Xeotropismo

 Os materiais que utilizamos para realizar o experimento son:

·         Sementes xerminadas de lentellas.

·         Vaso de precipitados.

·         Papel filtro

·         Terra

Nesta ocasión o profesorado indica ao alumnado unha hipótese, para elo informamos que as raíces das plantas crecen cara abaixo, xeotropismo positivo, mentres que as partes verdes da planta, tallo e follas, teñen un xeotropismo negativo e que o teñen que demostrar de forma experimental.

Realización do experimento para demostrar a hipótese.

Para poder demostrar esta hipótese o alumnado ten que realizar un experimento.

O experimento consistiu en colocar unha semente xerminada de lentella nun vaso de precipitados, cheo de terra húmida, para poder observar a lentella colocouse un papel de filtro entre o vidro do vaso de precipitados e a terra e procederon a colocar a lentella coa folla e o tallo cara abaixo e a raíz cara arriba.

O Resultado móstrase na fotografía realizada despois dunha semana:

 

Nesta imaxe pódese apreciar como o tallo da lentella xira e diríxese en contra da terra, xeotropismo negativo, mentres que a raíz xira sobre si mesma e diríxese ao interior da terra, xeotropismo positivo.

Descartamos a luz, xa que está a recibir a mesma cantidade de luz a través do vidro e descartamos a humidade porque é constante en todo o vaso.